პროექტის მიზანი - ქ. გორში, 8 აგვისტოს, 8 მხატვარი 8 საათის განმავლობაში, შექმნის 8 ტილოს, 2008 წლის ”აგვისტოს ომის” (08.08.08) თემაზე. პროექტის მიზანია შევახსენოთ მსოფლიო საზოგადოებას, რომ თანამედროვე სამყაროში დაუშვებელია ომი, ერთი სახელმწიფოს მიერ მეორეს ტერიტორიის მისაკუთრება, ადამიანთა სიცოცხლის ხელყოფა და მათი გაძევება მშობლიური მიწიდან; ვუთხრათ მსოფლიოს კიდევ ერთხელ, რომ ჩვენ არასოდეს შევეგუებით რუსეთის მიერ საქართველოს ოკუპაციას და ჩვენს ხელთ არსებული ყველა მშვიდობიანი ხერხით ვიბრძოლებთ ჩვენი სამშობლოს განთავისუფლებისთვის, მისი სრული დეოკუპაციისთვის, ვიბრძოლებთ იმისთვის, რომ გავამთლიანოთ ჩვენი ქვეყანა, დავიბრუნოთ ჩვენი ძირ–ძველი მიწა–წყალი, გვქონდეს სამშობლო, რომელშიც აღარ იარსებებენ საკუთარ კერას მოწყვეტილი დევნილები და აღარასდროს იბატონებს გადამთიელი მოძალადე.

ჩვენ სხვადასხვა სახის მშვიდობიან აქციებს მივმართავთ, საქართველოს სრულ დეოკუპაციამდე, ამჯერად კი მშვიდობიანი ბრძოლის იარაღად ფუნჯს გამოვიყენებთ და მხატვრების მიერ შექმნილი ტილოების საშუალებით გამოვთქვამთ პროტესტს რუსული ინტერვენციის წინააღმდეგ.